Euskal Museoko hirugarren solairuan dagoen Bizkaiko maketa inspirazio-iturria izan da `Bizkaia hiru dimentsiotan´ aplikazioa egiteko. Aplikazioa bera museoan bertan dago eskuragarri (Maketaren Aretoan), eta baita ere Appleren eta Google Storeren bidez. Horri esker, aplikazioa irekitzen duenak Bizkaiko jaurerriaren historiako elementu nabarienak ezagutu edo lurralde historiko horretako eskualdeetako kulturan nahiz paisaian zehar nabigatu ahal izango du.