Euskal Museoa pertsona guztientzat esperientzia irisgarria, inklusiboa eta erosoa bermatzeko lan egiten ari da.
Museoak berariazko neurriak eta zerbitzuak ditu, hainbat beharrizan dituzten pertsonei sarrera, bisita eta parte-hartzea errazteko. Sartzeko baldintza berezietatik eta laguntza-baliabideetatik hasi eta egokitutako ekipamenduetaraino, aukera berdintasunean oinarritutako esperientzia ziurtatzeko irtenbideak eskaintzen dira.
Museorako sarrera doakoa da desgaitasuna duten pertsonentzat eta haien laguntzailearentzat. Egiaztagiriak aurkeztu behar dira.
Halaber, lehentasunezko sarbidea dute (ilararik gabe) museoaren sarreran.
Audiogida-zerbitzua doakoa da irisgarritasun-arrazoiengatik behar duten pertsonentzat. Euskaraz, gaztelaniaz, ingelesez eta frantsesez eskuragarri. Prezio orokorra: 5 €.
Museoak prezio murriztuko bisita gidatuak eskaintzen ditu desgaitasuna duten edo gizarte-bazterketako egoeran dauden pertsona-taldeentzat, aldez aurretik erreserba eginda.
Behar duten pertsonen erosotasun handiagorako, gurpil-aulkiak maileguan hartzeko doako zerbitzua dugu. Eskatu informazio-gunean (eskuragarritasun mugatua).
