Liburutegiak bildumari eta euskal kulturari
lotutako funts espezializatuak biltzen ditu,
ikerketara eta kontsulta profesionalera bideratuak.
Liburutegiaren eginkizuna Museoaren bildumaren dokumentazio, ikerketa eta kudeaketa lana babestea da, baliabide espezializatuak eskainiz bai erakundeko langileei, bai azterketa eta ikerketako profesionalei.
Liburu-funtsa, batez ere, Museoaren berezko gai-arloekin lotutako serieko monografiek eta argitalpenek osatzen dute; horien artean, euskal kultura ezagutzeko eta zabaltzeko garrantzi berezia duten obrak kontserbatzen dira.
Liburu-funtsa etengabe hazten da erosketen, dohaintzen eta museoekin, ikerketa-zentroekin eta beste kultur erakunde batzuekin argitalpenak trukatzeko programa baten bidez. Horrela, bilduma eguneratzea eta aberastea errazten da.
Liburutegiko funtsen inguruko aholkularitza bibliografikoa behar baduzu, gure bilduma kontsultatzeko irakurketa-gela erreserbatu nahi baduzu, erosketak iradoki edo zure desioak adierazi, dohaintza bat egin edo gure argitalpen-truke sareko kide izan nahi baduzu, mezu elektroniko bat bidal diezagukezu edo telefonoz deitu.
Tel.: 944 155 423 eta 944 169 246 (astelehenetik ostiralera 08:00etatik 15:00etara)
Helbide elektronikoa: liburutegia@euskalmuseoa.eus
Inprimaki honen bidez, Liburutegiarekin lotutako kontsultak, eskaerak edo iradokizunak bidal ditzakezu.
